Bewerbung
Guude,
Habt er nett a Schobb fer misch?
Isch hab ihnne ihr Adress vonerem Kumbel gekrischt un vielleischt habbe se ja ebbes
fer misch, z.B. als Hausmeistä.
Isch heiß Karl-Heinz Gebbard, die Kumbels nenne misch abba “Schobbe“. Geborn bin
isch am 25.10.1955 in Hanau. Isch seh zwa älder aus, abbä isch war auch lang krank. Mei
Schulausbildunf is 12 Jahr Grundschul Groß-Krotzebosch mit anschließender Lehre als
Feinmeschanika, Einzelhandelskaufmann un denn Gas- Wasser Installateur. Die erste zwei
warn nix un die dritte hab isch denn 1989 abgeschlosse. Danach war isch korz für 5 Jahre
net verfügbar (isch will net darübber redde, dumm Sach- vergesse bei Aldi zu bezahle …).
Isch bin handwerlisch äußerst geschickt un deschnisch wersiehrt un hätt auch grad Zeit, da
mei letzter Chef net mit mir zurechtgekomme is.
Dazu muß isch sage, dass isch hin un widder gern mal ein zwitscher, aber net uff de Abbeit,
höchstens in de Frühstückpaus un Mittagspaus, unn e klaa Kaffeepaus werd ja wohl drin sei.
Mer werd ja aach viel ruhischer nach so em klaane Hütsche, Sie wisse schon, gell.
Abbe zurück zu dämm Grund vo meim Schreibe. Isch such Abbeit. Jetzt aach net grad so
rischtisch was schwerws (ma werd ja net jinger, fell), eher so was mit beuffsischtische von
Wohnunge un schigganiere vo Leut die wo da drin wohne- des kan isch.
Des letzte mal war isch aach Hausmeistä innerem Hochhaus, unn glaab isch hab mer da so a
paar Fertischkeide angeeischnet, die wo mir bei ihne helfe könnt. Isch kann sehr gut:
über de Hof brülle
Kinner vom Rase verscheusche
Autos uffschreibe die am falsche Packplatz stehe
Fußbälle platt stesche
Türn uffstemme un eitrede
im Keller rumgeistern
Putzplän kontrollieren
Schmierfinge bei de Polizei ablieffern
Ausländer trietze
Frankfurter kloppe
Außerdem hab isch aach wie gesacht Heizungsbauer gelernt. Bei GWS Koth in Heddernheim.
Leider sinn die Zeuschnisse irschendwie verschlampt worn, net von mir, da bin ich sehr gewis-
senhaft, des muß en annern gewese sein. Aber Hand uffs Herz- nur Aanser. Isch dät misch freue,
wenn sie mir Gelescheheid gebbe däte misch emal persehnlisch vorzustelle (isch dät aach e klaa
Likörsche mitbringe- da babbelt sisch leichter, gell).
Ansonsten verbleib isch ….
P.S. Vor 11:00 geht’s net, da hab isch Frühschobbe